आफ्नो भूमि समेटेर नक्सा जारी गर्दा पदबाट हटाउन खोजियो : प्रधानमन्त्री

काठमाडौं :- प्रधानमन्त्री केपी शर्मा ओलीले नेपालले आफ्नो भूमि समेटेर नक्सा जारी गरेपछि आफूलाई प्रधानमन्त्रीबाट हटाउन खोजिएको भन्दै नेपाली राष्ट्रियता त्यति कमजोर नरहेको बताएका छन् ।

आइतबार मदन भण्डारीको ६९ औं जन्मोत्सवका अवसरमा बालुवाटारमा आयोजित कार्यक्रमलाई सम्बोधन गर्दै प्रधानमन्त्री तथा नेकपा अध्यक्ष ओलीले यस्तो बताएका हुन् ।

उनले लिम्पियाधुरासहितको नयाँ नक्सा जारी भएपछि भारतले भारतीय मिडियामार्फत आफ्नो नेतृत्वको सरकार ढाल्न भूमिका खेलेको भन्दै तर त्यो प्रयास सफल हुन नदिने बताए । उनले नेपालले अरुको जमिन ह’स्तक्षेप नगरेकाले त्यो जमिन फिर्ता गरेरै छाड्ने पनि बताए ।

उनले नेपालको नक्सा छापेर संविधान संशोधन गरेवापत प्रधानमन्त्री हटाउने सपना नदेख्न भारतलाई चेतावनी दिँदै यतिवेला आफू हटे भोलिदेखि नेपालको पक्षमा कोही बोल्न नसक्ने भएकाले नेपालको राष्ट्रियतालाई त्यति कमजोर नठान्न आग्रह गरे ।

‘हामीलाई हाम्रो भूमि फिर्ता चाहियो । प्वाइन्ट अफ नो रिजन’, प्रधानमन्त्री ओलीको भनाइ छ । उनले नेपाल स्वतन्त्र र सार्वभौम राष्ट्र भएको भन्दै दुई देशबीचको तरुल पनि नभएकाले कसैको अधीनस्त भएर नबस्ने बताए ।

उनले कुनैपनि विषयमा बहकिन जरुरी नरहेको भन्दै साम्प्रादायिकताका आधारमा विग्रह पैदा गर्नेहरुलाई मदन भण्डारीले एकतामा बदल्ने प्रयास गरेको र त्यही विचारबाट चलेको पार्टीलाई कमजोर नआक्न सुझाव दिए ।

प्रधानमन्त्री ओलीले मदन भण्डारीको विचारले नै नेपाली समाजलाई परिवर्तन गरेर यहाँसम्म ल्याउन सकिएको भन्दै भण्डारीको महत्वपूर्ण योगदानको चर्चा पनि गरे ।

‘मदन भण्डारीका थुप्रै योगदान र प्रतिभा छन् । यसमा संक्षिप्तमा चर्चा गर्न सकिँदैन । उहाँको सफल र चमात्कारिक व्यक्तित्वका विभिन्न सफल र चमात्कारिक आयामहरु, पक्षहरु, पाटाहरु जुन हरेक आयामले उहाँका विचारलाई बदलिन, फैलाउन र लोकप्रिय बनाउन योगदान गरेको छ, ती कुरालाई पनि संक्षिप्तमा चर्चा गर्न सम्भव छैन’,ओलीको भनाइ छ ।

मदन भण्डारीको चर्चा गर्न उत्तिकै सतर्कता र सही विश्लेषण हुन जरुरी रहेको भन्दै उनले भण्डारीको चर्चा गर्न कठिन विषय भएको बताए । उनले अहिले अरु कुरा मान्ने तर मार्क्सवाद मान्दिनँ भन्ने विद्धवानहरु रहेको भन्दै त्यसमा दुईवटा कारण रहेको बताए ।

ती कारण खुलाउदै प्रधानमन्त्री ओलीले त्यस्तो भन्नेहरुले मा’र्क्सवाद नै नबुझेकाले मान्दिनँ भनेको र अर्को लहैलहैको वैचारिक पूर्वाग्रह राख्नेहरुले त्यसो गर्ने गरेको बताए ।

‘जवकी मा’र्क्सजस्तो यस स’हश्राव्दीको सवैभन्दा ठुलो चिन्तक भनेर निश्कर्षहरु निकालिएको छ’, मा’क्सवाद मान्दिनँ भन्नहरुप्रति ओलीको भनाइ छ ।

प्रतिक्रिया दिनुहोस