सुर्खेत :- टिपरले किचेर युवकको मृत्यु भएपछि तनावग्रस्त बनेको वीरेन्द्रनगर बिहीबार साँझबाट शान्त बनेको छ ।
बिहीबार स्थानीय प्रशासन र मृतकका आफन्तबीच पाँचबुँदे सहमति भएपछि वीरेन्द्रनगर शान्त बनेको हो ।
प्रहरी नियन्त्रणमा रहेका टिपरचालकलाई हदैसम्मको कारबाहीका लागि पहल गरिने, पीडित परिवारलाई क्षतिपूर्तिका लागि प्रक्रिया अघि बढाउने सहमति दुवै पक्षबीच भएको छ ।
त्यस्तै, थप राहत र आन्दोलनका क्रममा घाइते भएकाहरूको उपचारका लागि प्रदेश सरकारसमक्ष पहल गर्ने र मृतकको शव ‘पोस्टमार्टम’ गरी आफन्तले बुझिलिने पनि सहमतिमा उल्लेख छ ।
गएको मंगलबार टिपरको ठक्करबाट कालिकोटको महावै गाउँपालिका-३, सिमखेतका २१ वर्षीय केशरबहादुर सिंहको मृत्यु भएको थियो ।
