लोडर अप्रेटर र टिपर ड्राइभर पनि दिलीप महतोको हत्यामा संलग्न।

धनुषा : मिथिला नगरपालिका-५ श्रीपुरका २४ वर्षीय दिलीपकुमार महतोलाई टिपरले किच्नुअघि नै हत्या गरिएको आशंका प्रहरीले सार्वजनिक गरेको छ।
प्रारम्भिक अनुसन्धानमा महतोलाई टिपरले किच्नुअघि छातीमा गहिरो चोट लगाएको देखिएको छ। धनुषा प्रहरीले शनिबार साँझ पत्रकार सम्मेलन गरी महतोलाई ना७ख ६४१३ नम्बरको टिपरले किच्नुअघि कोखामा घोचेको घाउ फेला परेको जनाएको हो।
प्रहरी उपरीक्षक रमेशकुमार बस्नेतका अनुसार महतोको दाहिने छातीको कोखा छेडिएको थियो। मिथिला नगरपालिका-५ का २७ वर्षीय क्रसर सञ्चालक विपीनकुमार महतो, वडा नम्बर-९ का ३४ वर्षीय टिपर चालक मुनिन्द्र महतो, महोत्तरी बर्दिवास नगरपालिका वडा नम्बर-२ का लोडर चालक जितेन्द्रकुमार महतो र मिथिला वडा नम्बर ५ का रोशन यदव मिलि ‘टिपरको लिभरले छेडेपछि उनलाई सुताएर किचेको प्रारम्भिक अनुसन्धानमा खुलेको छ।यसकारण महतोको त्यसैबेला मृत्यु भइसकेको थियो भन्ने आशंका बलियो बन्दै गएको बस्नेतले बताए। ‘पोस्टमार्टम रिपोर्ट आइसकेपछि यसबारे अझ बलियो प्रमाण मिल्ने समेत बताए प्रहरी द्वारा गरिएको पत्रकार सम्मेलनमै टिपरले किच्नुअघि घाइते बनाएको स्वीकार गरेका छन्। औरही खोलाको बगरमा टिपरले बालुवा गिट्टी चोरी गरी लागिरहेका बेला महतोले पटक-पटक रोक्न खोजेका थिए। सोही विषयमा शुक्रबार महतोको हत्या गरिएको थियो। पक्राउ परेकालाई कर्तव्य ज्यानमुद्दामा अनुसन्धान थालिएको छ।

प्रतिक्रिया दिनुहोस