काठमाडौं :- विश्वकै सबैभन्दा पुरानो क्रिकेट क्लब मेरिलेबोन क्रिकेट क्लब (एमसीसी) को टिम आज नेपाल आउँदै छ ।
नेपालविरुद्ध सिरिज खेल्न एमसीसी काठमाडौं आउन लागेको हो ।
एमसीसीले काठमाडौ र पोखरामा गरि ६ वटा खेल खेलने नेपाली राष्ट्रिय क्रिकेट टिमका टिम म्यानेजर सुमन राज कार्कीले जानकारी दिए ।
एक साता नेपालमा रहने एमसीसीको टिमले राष्ट्रिय टिमसँग टी–ट्वान्टी, एक दिवसीय र फस्ट क्लास क्रिकेट खेल्नेछ ।
एमसीसीसँगको खेलका लागि नेपालले कप्तान ज्ञानेन्द्र मल्लको नेतृत्वमा टिम घोषणा गरिसकेको छ ।
यस्तै एमसीसी र नेपालको राष्ट्रिय टिम मिश्रित टिमले एक टी–ट्वान्टी खेल खेल्नेछ ।
त्यस्तै एमसीसीको टिमले यू–१९ टिमसँग एकदिवसीय र पोखरामा स्थानीय क्लबसँग दुई खेल खेल्नेछ ।
एमसीसीका अधिकांश खेलाडी इंग्ल्याण्डको यू १९ टिमबाट खेलिसकेका छन् ।
एमसीसीले गत वर्षको साउनमा लिगेसी टुरको घोषणा गरेको थियो ।
यसअघि एमसीसीले सन् २०१५ मा नेपाल भ्रमण गरेको थियो । यस्तै नेपालले एमसीसीको भ्रमण गरिसकेको छ ।
