दाङ । प्रतिनिधीसभा क्षेत्र नम्वर ३ ‘ख’मा नेकपाले उपनिर्वाचनमा उमेद्वारकालागि तीनजना नेताको नाम सिफरिस गरेको छ ।
आज बसेको नेकपाको प्रदेश सभा ‘ख’को कमिटीले बिमला वली,चूर्णबहादुर वली र शोभाराम बस्नेतको नाम जिल्लामा सिफारिस गरेको नेकपा दाङका प्रचार बिभाग उपप्रमुख आजाद खड्काले जानकारी दिनुभयो।
उहाँका अनुसार मातहतका कमिटीको रिपोर्टिङका आधारमा पहिलो प्राथमिकतामा बिमला वलीको नाम सिफासिर गरिएको छ । बिमला तत्कालीन एमालेका युवा नेता स्वर्गीय उत्तरकुमार वलीकी धर्मपत्नी हुनुहुन्छ ।
प्रदेशसभा‘ख’मा नेकपाका नेता उत्तरकुमार वलीले काँग्रेसलाई फराकिलो मतले पराजित गर्नुभएको थियो ।
पश्चिम दाङका लोकप्रिय नेता वलीको दुर्घटनामा निधन भएपछी उक्त क्षेत्रमा आगामी मंसिर १४ गते उपनिर्वाचन हुँदैछ ।
