दाङ गएर शनिले भोट माग्दै, यसरी गर्नुस् भोट

दाङ :-  एपीवान टेलिभिजनले प्रसारण गरिरहेको आईएमई लोक स्टारको लागि प्रतिस्पर्धामा उत्रिएका रोल्पाका शनि विश्वकर्मा भोट माग्दै दाङ आईपुगेका छन् ।

नेपालको सबै भन्दा ठुलो रियालिटि शो लोक स्टार बन्नका लागि चार जना फाईनलमा पुगेका छन् । फाईनलमा प्रवेश गरेका यी चार प्रतिस्पर्धी गायकहरु मध्य एक जना स्टार बन्ने छन् । त्यहि स्टार बन्ने कडा प्रतिस्पर्धामा रहेका शनि आफ्नो लागि भोट माग्दै दाङ फर्किएका हुन्

गाउँ फर्किएको अबसरमा शनि विश्वकर्माका आफन्त, शुभचिन्तक र फ्यानहरुले शनि विश्वकर्मा जितऔँ अभियान सञ्चालन गरेका छन् । अभियानले घोराहीमा कार्यक्रम गरेको छ ।

नेपाल पत्रकार महासंघ दाङको सभाहलमा बुधबार आयोजना भएको कार्यक्रममा बोल्दै गायक शनि विश्वकर्माले नेपाली लोक गीतको क्षेत्रमा आयोजना गरिएको यो रियालिटि शोमा आफु फाईनलमा प्रबेश गर्नु महत्वपुर्ण कुरा रहेको बताए ।

उनले अब स्टार बन्नका लागि धेरै भन्दा धेरै समर्थकहरुको साथ र भोटको आवस्यकता रहेकाले आफु भोट माग्दै दाङ आएको बताए । रोल्पा घर भई घोराहीमा अध्ययन गर्दै आएका शनि विश्वकर्मालाई पहिलो लोक स्टार बनाउनका लागि कुनै कसर बाँकी नराखेको कार्यक्रम संयोजक शेरबहादुर डाँगीले बताय
रोल्पा जस्तो दुर्गमको युवा नेपालकै लोक स्टार बनाउनका लागि हामीले धेरै कामहरु गरेका भन्दै डाँगीले भोलि सबैको सहयोग गर्न अनुरोध समेत गरे । भोट माग्दै गायक विश्वकर्माले केहि लोक गीतहरु समेत गाएर सुनाए ।
कार्यक्रममा प्रमुख अतिथीको रुपमा उपस्थित सहायक प्रमुख जिल्ला अधिकारी गंजबहादुर एमसीले शनि विश्वकर्माको कला र प्रतिभाबाट आफू प्रभावित भएको बताउँदै सबैले भोट गरेर सहयोग गर्न आग्रह गर्नुभयो ।

नेपाल पत्रकार महासंघका अध्यक्ष सविन प्रियासनले समेत दाङको सञ्चार क्षेत्रबाट शनि विश्वकर्माको प्रचार प्रसारका लागि काम भैरहेको बताउँदै आफुहरु साथमै रहेको बताउनुभयो ।
उनलाई बिजयी बनाउनका लागि L 24 type ul/ 37000 मा भोट गर्न सकिने छ ।

प्रतिक्रिया दिनुहोस