रामेछाप नगरपालिकामा यस वर्ष पनि नियमित निशुल्क घुम्ति स्वास्थ्य शिविर सुरु

पुष्कर खड्का रामेछाप
रामेछाप जिल्लामै पहिलो पटक रामेछाप नगरपालिकाले सुरु गरेको नियमित निशुल्क घुम्ति स्वास्थ्य शिविर अन्तर्गत यस वर्षको नियमित निशुल्क घुम्ति स्वास्थ्य शिविर आजबाट सुरु गरेको छ । रामेछाप नगरपालिकाको स्वीकृत वार्षिक बजेट अनुसार गत वर्ष पनि आयोजना गरिएको शिविरलाई रामेछाप नगरपालिकाले यस वर्ष पनि निरन्तरता दिएको छ ।रामेछाप नगरपालिकाको वडा नं ४ हिमगंगा बोलोङबोलोङबाट यस वर्ष पनि घुम्ति शिविरको शुरुवात गरेको हो । आज हिमगंगा बोलोङबोलोङमा आयोजना गरिएको शिविरमा १५०भन्दा बढिले सेवा लिएका छन ।शिविरमा निशुल्क औषधि वितरण , भिडियो एक्सरे,ल्याव,जनरल उपचार सेवा, लगायतको सेवा प्रदान गरिएको रामेछाप नगरपालिकाका स्वास्थ्य संयोजक रामशरण पौडेलले जानकारी दिनुभएको छ ।
शिविर वर्षभरी नै रामेछाप नगपालिकाको ९ वटै वडाको विभिन्न टोलहरुमा नियमित रुपमा जारी रहने र हरेक ३महिनामा दन्त सेवा,६ महिनामा आँखा शिविर समेत सन्चालन गरिने स्वास्थ्य संयोजक रामशरण पौडेलले बताउनुभयो ।

प्रतिक्रिया दिनुहोस